Saltar ao contido principal

PRESENTACIÓN DO TRABALLO

PRESENTACIÓN DO TRABALLO 

Este traballo que perfila a historia da Agrupación Folklórica Santiaguiños foi realizado no CPI Armando Cotarelo Valledor de Boimorto entre os cursos académicos 2023/2024 e 2024/2025 polos Departamentos de música e linguas, en constante colaboración directa coa propia agrupación.

No curso 2023/2024 parte do profesorado do centro imbuíuse na realización dun Plan de Formación Permanente do Profesorado para formarse en metodoloxías colaborativas seguindo o Deseño Universal de Aprendizaxe (DUA), dando lugar a un gran traballo de coñecemento e documentación sobre a contorna.

Naquel ano, a actividade foi levada a cabo polo alumnado de 5º e  6º de primaria e 1º da ESO.

  • No caso do grupo de 5º de Primaria, participaron un total de 14 alumnos e alumnas: Gabriel Aguión, Aroa Cainzos, Noa Cainzos, Nicolás Castiñeira, Manuel Fondo, Héctor J. González, Alejandro Montero, Marco Pérez, Nicolás Rico, Laura Rodríguez, Alondra M. Soto, Aldara Taboada, Melody Tovar e Adrián Vázquez.
  • Pola súa parte, 6º EP estaba configurado por un total de 16 discentes: Mateo Aguión, Daniel Aguión, Dina Bouzem, Daniel Corbacho, Iker Felpete, Malak Laabed, Andrea Miragaya, Anxo Mosquera, Andrea Nieto, Leo Pedride, Brais Sesar, Xabi Sesar, Lola Varela, Blas Varela, Raúl Veiga e Carmen Vidal.
  • En canto á clase de 1º da ESO, formaban parte dela: Noa Blanco, Abderazak Bouzem, Omar Corral, Andrés García, Iker Lago, Nicolás López, Daniel López, Carlos A. Perozo, Kalen Petronila, Nicolás Quintela, Carla Rodríguez, Lorena Ronco, Uxía Santos, J. Daniel Sosa, María Souto, Miguel Vázquez, Uxía Vázquez, Martín Vázquez e Óscar D. Zavala.

O profesorado implicado naquel Plan de Formación Permanente foi o que segue por orde alfabética: Tania Busto, Beatriz Cancela, Ana González, Belén López, Eva Loureiro, Martiño Placer, Lucía Rúa, Cintia Vázquez e Rosario Vilariño.

Froito deste traballo realizouse unha exposición cos materiais elaborados e tamén unha foliada de fin de curso en xuño de 2024:


O traballo sobre a Agrupación Folklórica Santiaguiños de Boimorto tivo continuidade o curso seguinte (2024/2025) pero nesta ocasión inmerso no Proxecto Didáctico Antonio Fraguas, dos Proxecta+ da Xunta de Galicia. O alumnado que afrontou esta tarefa foi o de 4º de ESO, conformado por: Noela Aguión, Sergio Bello, Ariana González, Dayeli Hernández, Heba Laabed, Rocío López, Iria Martínez, Sergio Mellid, Aldara Mosquera, Iria Roade, Noa Roade, Celtia Varela, Daniel Vázquez e Elisa Vázquez.

Grazas a este proxecto teceuse unha rede de colaboracións e interaccións interxeneracionais que axudaron a coñecer máis de fondo o contexto cultural, social e histórico do concello de Boimorto.

O que tratamos é de amosar unha modesta historia que pretende deixar gravadas nunhas páxinas a traxectoria da agrupación dende hai case 40 anos, pero tamén de homenaxear a tódalas persoas que a fixeron posible dende os seus comezos e as que loitaron e loitan por divulgar e salvagardar o propio patrimonio cultural e musical, neste caso. En definitiva, trátase dunha aperta colectiva que quere dar folgos para afrontar moitos anos mais de traballo, dedicación e desfrute pola música tradicional; pero tamén un recoñecemento á hora de valorar a actividade dos responsables e de moitos nenos e nenas que pasaron polos Santiaguiños nestes case 40 anos de vida.
Etiquetas:
Localización: Boimorto, La Coruña, España

Comentarios

Publicar un comentario

Publicacións populares deste blog

PECHAMOS UN TRABALLO PERO ABRIMOS NOVOS CAMIÑOS

  Finalmente, despois de dous cursos de investigación e de pescudar nas raíces culturais e musicais da nosa contorna, pechamos o traballo que leva por título: BOIMORTO E A ASOCIACIÓN FOLKLÓRICA SANTIAGUIÑOS.  40 anos de música tradicional Moitas grazas a todos os que participáchedes e vos involucráchedes nesta experiencia de achega á tradición. Por suposto, tamén enxalzar á propia Agrupación Folklórica Santiaguiños e a todos aqueles e aquelas que pasáchedes por ela, facendo escola, divulgando a nosa cultura e traballando en prol de manter viva a nosa música. Namentres tanto... seguimos aprendendo e investigando! 
Publicar un comentario
Ler máis

OS HOMIÑOS DE BOIMORTO

Un pouco de historia local... O 20 de agosto de 1936, un mes despois do estalido da Guerra Civil, foron asasinados once veciños de Boimorto,  nove  dos cales eran concelleiros da corporación municipal, son os coñecidos como “os homiños de Boimorto”. Non foron vítimas da guerra, foron  vítimas do odio, n on loitaban no campo de batalla, loitaban por mellorar a vida dos seus veciños, impulsando escolas  públicas ou a asistencia sanitaria. Eran republicanos e, en Boimorto, como en tantos outros lugares, os falanxistas aproveitaron para saldar contas que, ás veces, nada tiñan que ver coa política. Foron levados desde a Gándara a Sobrado, onde permaneceron dous días, e de alí trasladados en camións a Santiago. Cinco foron fusilados no Amenal (O Pino) e enterrados nunha carballeira, e os outros seis apareceron á beira da estrada, na curva dos Batáns, en Ortoño (Ames), onde foron recollidos polos veciños e soterrados nunha fosa común, no adro da igrexa. Os traballos de exhu...
Publicar un comentario
Ler máis

O DÍA DAS LETRAS GALEGAS COS SANTIAGUIÑOS

Este ano o DÍA DAS LETRAS GALEGAS adicóuselle ás PANDEIRETEIRAS e á POESÍA TRADICIONAL ORAL . Como non podía ser doutro xeito, xa que ademáis 4º da ESO participa no Proxecta+ ANTONIO FRAGUAS , contamos con CARMIÑA BARREIRO e os Santiaguiños que estudan no centro.  Ademáis, un grupo de pandeireteiras de 3º e 4º da ESO, ao igual que a clase completa de 4º da ESO, interpretaron unhas pezas totalmente fantásticas.  CARMIÑA BARREIRO Carmiña é natural de Boimorto e lembra, dende pequena, ser unha namorada do baile moderno con referentes como Fred Astaire ou Ginger Rogers. Comenta que na súa casa xa había tradición musical: a súa nai tocaba a pandeireta e o seu avó era un gran cantareiro. Con 14 anos trasládase á Coruña e incorpórase a unha asociación de baile tradicional, onde entra en contacto con Felicitas Sanleón e Xacarandaina [1] , nun momento no que a agrupación estaba a dinamizar a música e o baile tradicional galegos, e chegando a gañar en varias ocasións o programa de T...
Publicar un comentario
Ler máis