INFORMACIÓN DE INTERESE CULTURAL SOBRE BOIMORTO
Un miliario é unha columna de pedra que se colocaba nas calzadas romanas
para indicar e sinalizar unha milla romana.
.jpeg)
En marzo de 1981, en Asientos (Boimorto), un veciño que estaba a traballar
nunha leira, atopou esta peza soterrada. O lugar concreto recibe o nome de
Real, que fai referencia á presenza dunha antiga fila romana e camiño real.
Grazas a unha pala mecánica puideron erguer esta gran pedra de granito de case
2,5 metros de alto e 60 centímetros de diámetro que contén a seguinte
inscrición:
A peza na actualidade atópase exposta fronte ao Concello de Boimorto.
O Festival da Luz[1]
No ano 2012 a artista Luz Casal toma a iniciativa e organiza O Festival da
Luz na súa localidade natal. Trátase dun festival familiar que homenaxea o
rural galego a través da creación dun lugar de encontro de artistas de renome
no panorama musical actual e con fins benéficos.
Dende o primeiro ano, cando congregou uns 5.500 asistentes, o seu número de
participantes foise incrementando até acadar, por exemplo, no ano 2014 mais de
60.000 asistentes. Sen dúbida, durante os tres días que dura o concerto,
Boimorto sitúase como un lugar de referencia no panorama artístico e musical
galego.
.jpg)
O Magreco[2]
Este evento que se desenvolve tódolos anos no mes de marzo dende o ano 2012
na localidade de Boimorto é unha feira que xorde inicialmente centrada na
exposición de maquinaria agrícola. Ao ano seguinte é cando se fai dun xeito
oficial a I edición da Feira Magreco 2013. Dende entón aglutina, ademais da
maquinaria agrícola engádese tamén apeiros forestais e de xardín, poxas de
xovencas, postos de alimentación, artesanía e demais produtos do campo.
Este proxecto comeza no seo do colexio de Boimorto no ano 1978, en concreto
é no segundo ciclo da E.X.B. dentro da materia de Lingua Galega, onde comeza a
fraguarse.
"O primeiro paso a dar con aqueles nenos
galego-falantes consistiu en prestixia-la súa lingua, allea ó seu curriculum
escolar ata ese momento, na escola e no ambiente familiar e social. Tódo-los
nenos-as se converteron en investigadores do seu entorno" (Rico Verea, 1989).
Unha gran parte destas cantigas e cancións recollidas pasaron a engrosar o Cancioneiro popular das Terras do Tamarela,
publicado por Manuel Rico Verea no ano 1989 pola Editorial Galaxia (Vigo).
As temáticas ían dende as cancións
de oficios, de labranza, cancións relacionadas co ámbito social, estados civís
e familia, infantís ou romances... En definitiva, unha mostra da tradición da
zona que nos da moita información sobre o ideario e o pensamento da zona.
Ademais incorpora melodías musicais de cantigas, muiñeiras, xotas ou mesmo os
famosos Cantos de Reis ou Reices, tan típicos en Boimorto.
Estas e outras melodías que quedaron fóra do cancioneiro, incorporáronse á
páxina web do Concello de Boimorto co epígrafe "Cancioneiro popular de
Boimorto"[3],
que se pode consultar en rede e no que se incorporan, ademais dos textos, as
partituras editadas como xeito de difusión, coñecemento e salvagarda, accesible
para todos.
Os cantos de Reices
Xa no novo milenio apóstase por outra iniciativa local que tamén busca
enxalzar e recuperar unha tradición arraigada na zona: os Cantos de Reis ou Reices.
Os Cantos de Reis ou Reices son
unhas cantigas típicas das festas do Nadal.
"O día cinco de xaneiro ata o seis ó mediodía grupos
de mozos ou non tan mozos saen a cantar unhas melodías vellas acompañados,
xeralmente, de gaita e tamboril, pandeiretas, cunchas, pinavetas..., polas
casas dos veciños dando a boa nova do nacemento do Neno Xesús, a adoración dos
Magos, ou a fuxida a Exipto. As letras, case sempre en castelán, son relatos
fieis ás Escrituras, aínda que hai algúns medio atrapallados e outros que son
cantares dos maios que ó dexaren de celebrárense pasaron ó tempo de Nadal. Este
pode ser o caso das Madamas" (Rivas
Cruz, 2006).
No ano 2006 sae á luz o libro Os
cantares de Reis (2006), acompañado dun disco e coordinado por Xosé Luís
Rivas Cruz, mais coñecido como Mini, que incorpora partituras elaboradas por
Iria Rivas de Castro. Este traballo é froito das pesquisas etnográficas levadas
a cabo polo propio Mini e tamén por Mero (Baldomero Iglesias Dobarrio).
[1] Web Festival da Luz [https://festivaldelaluz.es/].
[2] Mais
información na web do Concello de Boimorto
[https://www.concellodeboimorto.es/gl].
[3] Web do Concello de Boimorto. "Cancioneiro popular de Boimorto" [https://concellodeboimorto.es/gl/cancioneiro/O_Cancioneiro].
Comentarios
Publicar un comentario